Paalam Bro. Jimmy Febre

BUMIGAY matapos kunin ni Lord si Jimmy, ang kapatid ng mga kuwago ng ORA MISMO, dahil hindi nito nakayanan ang kanyang naging sakit.

Sa edad na 49, maraming natulungan si Jimmy bukod sa kanyang mga pamilya ay minahal ito ng lahat ng kanyang kaibigan lalo ang tropa ng mga kuwago ng ORA MISMO.

Malaking tulong ang nagawa ni Jimmy para sa mga kuwago ng ORA MISMO, lalo’t noong nag-uumpisa pa lamang ang kolum na ito porke siya ang natatapik nating gumalugad ng mga importanteng impormasyon hinggil sa mga kapalpakan ng ating gobyerno.

Matagal nang nakasama ng mga kuwago ng ORA MISMO si Jimmy, hindi lamang sa kolehiyo kundi maging sa kanilang mga malalim na operasyon.

Sayang ka, Jimmy, sumalangit nawa ang kaluluwa mo!

Binigyan ng mga kuwago ng ORA MISMO ng importansiya ang pagkamatay ni Jimmy dahil sa tulong na nagawa nito hindi lamang sa ating Chief Kuwago kundi sa mga ordinaryong taong humingi ng kanyang tulong.

Maaasahan si Jimmy kaya lang wala nang magagawa pa ang mga kuwago ng ORA MISMO, porke sinungkit na ito ni Lord.