Gervacio: Bagong Ombudsman

DECEMBER 30, 1937 ipinanganak si Margarito Peñalosa Gervacio Jr., sa Caibiran, Biliran. Nagtapos ito ng valedictorian sa elementarya at high school, Associate in Arts sa Southwestern University with high honors. Samantala, natapos ng Bachelor of Law sa Southwestern University, sa Cebu City bilang outstanding graduate.

Bilang acting Chief of Ombudsman, ang kanyang termino ay masusing pag-aaralan ni Prez Gloria hanggang sa Agosto 31 kung dapat na itong manatili sa puwesto.

Si Gervacio, ay walang political backer di tulad ng iba diyan na parang linta sa mga kamoteng backer nila upang makamit ang sensitibong puwesto ang Chief Ombudsman.

Ang kanyang credential ay ang kanyang untarnized track record bilang public servant. Bukod dito, he performed his duties above-board at hindi nasangkot sa mga iregularidad mula nang manungkulan ito sa gobyerno.

Seryoso sa trabaho at religious man. Tahimik si Gervacio at walang problema sa kanyang pamilya porke puro professional ang apat na anak. Ang kanyang asawa na si Lucena ay isang COA State Auditor.

‘‘Maganda pala ang track records ni Gervacio sana siya na ang maging Chief Ombudsman,’’ anang kuwagong SPO-10 sa Crame.

‘‘Dapat kung ang principle ng equity of the incumbent ang paiiralin siyempre si Gervacio na!’’ tili ng kuwagong maninisip ng tahong.

‘‘Siya ang iniindorso ng Ombudsman employees at marami pang iba lalo’t mga tao sa goyberno at pribadong sektor.

Sana tingnan ni Prez Gloria ito para naman tumakbo ng maganda ang ating sistema ng batas at mawala na ang palakasan blues?’’

‘‘Sipain dapat ang may political backer itapon ang mga ito sa kangkungan?’’

‘‘Walang pulitiko sa likod ni Gervacio. Trabaho lang walang personalan.’’

‘‘Isang simpleng tao si Gervacio at ang matindi sa lahat hindi niya ‘‘Diyos ang Pera!’’ sabi ng kuwagong retired General.

‘‘Tumpak ka diyan, kamote’’