2 ex-cabinet members sangkot sa destabilization plot

ALAM n’yo bang sangkot pala ang dalawang dating Cabinet members sa destabilization plot laban sa kasalukuyang administrasyon?

Ayon sa aking bubuwit, Naimbag nga Paskua ken Naragsak nga baro a tawen yo amin.

Happy birthday muna kay Bro. Jess, House Speaker Joe De Venecia, Bereber Gaudencio, Arnel Salazar, Noel Reyes at Imelda Reyes ng MBC.

Binabati ko rin sina Konsehala Bing Petallo ng Pasay City; Bro. Maro Villa, Dr. Fidel Caballero, James Lising, Atty. Vicente Aceveda, Aioa delos Santos, Aliah delos Santos at Sis. Aleli.

* * *

Alam n’yo bang kasangkot diumano ang dalawang dating Cabinet members sa destabilization plot laban kay President Gloria Macapagal-Arroyo?

Ayon sa aking bubuwit, dahil sa kagustuhan ng dalawang dating opisyal na maibalik sa kapangyarihan, sila ay gumagawa ng paraan upang mapabagsak ang Arroyo administrasyon at muli silang maibalik sa puwesto.

Maniniwala ba kayo na ang kanilang target ay mapabagsak ang administrasyon sa Enero 2002?

Kasama kaya sa kanilang plano yung tangkang pagpapasabog ng bomba sa Allied Bank sa Makati City noong Biyernes ng umaga?

Diyos ko pong mahabagin, maawa kayo sa mga inosenteng madadamay sa inyong terorismo. Maghunos dili naman kayo. Kung gusto ninyong makabalik sa puwesto, lumaban kayo sa susunod na election.

Ayon sa aking bubuwit, bagamat tukoy na ng administrasyon kung sino ang mga sangkot sa destabilization plot, sila ay hindi pa maaring kasuhan dahil sa kawalan ng sapat na ebidensiya.

Ang nakikitang banta ng intelligence community sa administrasyon ay ang CPP-NPA-NDF. Kabilang na rin dito ang Moro National Liberation Front, Moro Islamic Liberation Front at ilang faction ng RAM-SFP-YOU.

Kasama rin umano sa threat ang puwersa ni dating President Estrada na nagbabalak ding makabalik sa kapangyarihan. At ang isang pinakamatinding puwersa na nagbabalak din umano na maagaw ang kapangyarihan ay ang mga dating opisyal din ng gobyerno na ‘‘supporters’’ ni GMA.

* * *

Ayon pa sa aking bubuwit, sa mga nabanggit na oposisyon ngayon sa kasalukuyang administrasyon mas malakas diumano ang puwersa ng huling nabanggit na grupo.

Bagamat ang mga ito ay nagpapakita ng suporta sa administrasyon, kumikilos naman sila ng pailalim upang sirain ang krebidilidad ng GMA administrasyon.

Ayon sa aking bubuwit, ang ilang Cabinet members ng mga nakalipas na administrasyon ay sekretong nagpupulong kung paano sisirain ang gobyerno.

Ang dalawang Cabinet members ay nahuli na ng ating bubuwit na nagpulong ng dalawang beses sa Molo’s Restaurant sa Bohol Ave., Quezon City.

Ang dalawang Cabinet members na nagsasabwatan ngayon para sirain ang administrasyon ni GMA ay sina dating Secretary J.E. at Secretary A.E.