Congressman at vice mayor sangkot din sa illegal drugs

Alam n’yo bang isang congressman at isang vice mayor ang sangkot sa drug trafficking sa bansa?

Ayon sa aking bubuwit, 68 days na lang at Pasko na.

Happy birthday muna kay Rep. Genero Alvarez ng Negros Occidental; Rep. Prospero Amatong ng Compostela Valley; Rep. Francis Escudero ng Sorsogon; Rep. Eddie Gullas ng Cebu; Orlazille Fua, Ronald Mascarinas ng Purefoods; Mercy Apurado ng DOLE; Grace Bendicion; Dr. Oscar Escusa, Victor Pamoleras, Joseph Geocado at Salvador Baluyot Jr. ng MBC.

* * *

Alam n’yo bang isang congressman at isang vice mayor din ang sangkot sa illegal drug trade?

Ayon sa aking bubuwit, itong si Congressman ay matagal na palang sinusubaybayan ng mga ahente ng pamahalaan. Maingat lang ito kaya hindi matimbog. Bago pa man nahuli si Mayor Ronnie Mitra ng Panukulan, Quezon ay undersurveilance na rin si Congressman.

* * *

Ayon sa aking bubuwit, si Congressman ay isa pala sa mga bossing ni Mayor Mitra.

Pero, alam n’yo ba kung bakit natimbog itong si Mayor Mitra?

Siya ay isinumbong ng isang congressman. Sa katunayan sa opisina ni Congressman nag-usap ang mga opisyal ng NBI at PNP bago isinagawa ang operasyon kina Mayor Mitra.

* * *

Bukod kay Congressman sangkot din sa sindikato ng droga ang isang vice mayor sa Quezon.

Ang nasabing vice mayor at si Congressman ay nag-lie-low ngayon dahil sa pagkakahuli kay Mayor Mitra. Ang mga ito ay nababahala ngayon dahil baka isabit sila ni Mayor Mitra.

Ayon sa aking bubuwit, ang congressman at vice mayor na sabit din sa sindikato ng droga sa Quezon ay walang iba kundi sina…

Ayon sa aking bubuwit, ang vice mayor na dawit din sa sindikato ng droga ay walang iba kundi si Mr. D. as in Droga.

At ang congressman naman ay miyembro ng LAMP. Ito ay walang iba kundi si Congressman R. as in Region IV.