Kurog ni Dino
Giangkon sa kapolisan sa Sta. Fe nga nagpadayon ang konstruksiyon sa 11 ka andana nga The Stria nga nakahulga sa kinaiyahan sa isla sa Bantayan sa amihanang Sugbo. Nipasabot ang kapolisan nga wala sila makadawat sa stoppage order nga giluwatan sa Environmental Management Bureau (EMB) sa Department of Environment and Natural Resources (DENR) sa niaging tuig.
Ang kumpirmasyon sa kapolisan nisunod sa pila na ka buwan nga reklamo sa lokal nga mga turista nganong wala mabadlong ang kompaniya nga nanag-iya sa building nga gipangulohan ni kanhi presidential assistant Mike Dino.
***
Mao diay nga puwerteng hiloma sa kadagkoan sa EMB ug DENR sa niaging mga buwan. Wala sila magtagad sa pagtubag sa mga pangutana nganong wala mapatuman ang ilang sugo sa paghunong sa trabaho.
Mao diay nga wala na mopasabot ang mga opisyal sa EMB ug DENR unsay dangatan sa building ni Dino nga ila nang gideklarar nga nakalapas sa lagda nga mga istruktura sa protected areas sama sa Bantayan, bisan sama sa The Stria nga nahimutang sa pribado ug tituladong luna, kinahanglan nga dili molapas sa tulo ka andana.
***
Nganong niapil man og tak-om si Gobernador Pam Baricuatro? Nipasalig siya sa pagpalabi sa interes sa mga Sugbuanon kay sa iyang higala nga mga politiko ug mga negosyante. Maong daghang nihangop sa iyang pagsuporta sa sugo sa EMB ug DENR bisan pa kon managsama silang Dino nga mga dumadapig ni kanhi presidente Rodrigo Duterte.
Nakalimtan na bang Baricuatro ang iyang pasalig sa pagpanalipod sa kinaiyahan sa Sugbo gikan sa iresponsableng developers sama ni Dino nga gidudahang alyado ni kanhi gobernador Gwen Garcia?
***
Nganong nanagana man silang Baricuatro ug ang EMB ug DENR sa pagbaraw ni Dino? Tinuod ba nga bisan wala nay puwesto sa gobyerno, si Dino nagpabiling konektado sa mas dagkong mga negosyante ug mga opisyal sa gobyerno?
Gawas nga napahunong ang trabaho sa Monterrazas de Cebu sa Cebu City, gipasakaan pa g’yud ang developer og kasong kriminal sa EMB ug DENR. Nganong nilubay man sila sa kaso ni Dino? Nagpasabot ba nga mas gamhanan ang mga padrino nga gidudahan nga maoy
- Latest
