Batan-ong Kiwi player nag-training uban ni coach Jeff sa Tabuelan

CEBU, Philippines — Usa ka batan-on ug masaarong Kiwi player ang mituyo og biyahe dinhi sa Sugbo gikan sa New Zealand aron lamang  mahashas og maayo ang iyang abilidad uban sa inilang Sugbuanong basketball trainer nga si Jefferson "Jeff" Codera.

Si Noah Castagna, usa ka 6-foot-1 nga point guard gikan sa Whangaparaoa College didto sa Auckland, kasamtangang nagbansay-bansay uban ni Codera sa maanindot niining pasilidad nga nahimutang sulod sa Therrish Beach Resort didto sa Maravilla, Tabuelan amihanang bahin sa Sugbo.

Ang duha unang naghimamat sa dihang si Castagna misalmot s  Golden State Warriors training camp niadtong Enero didto sa California diin si Codera usa sa mga trainers.

Sukad niadto, dali silang nakaporma sila og koneksiyon.

Niadtong Abril, ang amahan ni Castagna nga si Mike, nga usa sab ka coach uban sa NZ Street Basketball, mipalarga ni Codera didto sa New Zealand aron mopahigayon og one-on-one training session uban sa 14-anyos nga siNoah.

Ning higayona, si Noah na ang mianhi aron bairon og samot ang iyang talento sa training center ni Codera.

"Noah's dream is to get a college scholarship and play basketball professionally in the future," matud pa ni Mike Castagna. "And coach Jeff, a very professional coach who is now like a family to us, is showing Noah the kind of training he needs to compete at the elite level."

"Noah understands it's not an easy path. He has to be mentally strong, physically strong, emotionally strong while staying humble and respectful off the court. I'm confident coach Jeff will help him prepare for that," dugang pa niya.

Si Castagna nanghinaut nga magamit sa iyang anak ang tanan niyang nakat-onan gikan sa nabantog nga "Man of A Million Drills" sa iyang pagsalmot sa pipila ka mga torneyo sa iyang pagbalik didto sa ilang dapit sunod semana.