Dayon sa piyesta sa pangalagad

Main Campus, Cebu Technological University--Kun makasuroy ka dinhi karong Sabado, hinaot nga pamiyesta ang imong tuyo. Kay ang Grand Halad sa Kapamilya, salamat sa talagsaong kamanggihatagon sa mga Sugbuanon, nahimo na gyod nga labing dakong piyesta sa libreng mga pangalagad sa Sugbo.

Sa imong pagsud sa main gate sa M. J. Cuenco Avenue, suhira unsa ang mga pangalagad nga di kaayo taas ang linya. Adto didto kay mas dako ang kahigayonan nga maalagaran dayon ka. Ayaw una pagsumpay sa nagpunsisok nga mga kliyente kay mas magamit ang imong panahon sa pagpahimus sa mga pangalagad nga pipila ray nakahibawo ug nakatultol.

***

Abundang tambal ang gitampo sa Bantay Bata 163, ABS-CBN Foundation, Cathay Drug, Metro Drug, Prosel Pharma, Rose Pharmacy, San Miguel Community & Employees Credit Cooperative ug di magpailang mga Kapamilya. Ang kaliboan ka pasyente atimanon sa dul-an sa gatos ka doktor gikan sa Cebu Doctors Hospital (pinaagi ni Dr. Pek Eng Lim), Cebu City Medical Center, Central Command, Eversley Childs Sanitarium, Mandaue City Health Office, Philippine Air Force ug Tojong Maternity and General Hospital.

Libre sang ibot, pasta ug limpiyo sa ngipon pinaagi sa Philippine Dental Association Cebu Chapter, Naval Forces Central, Philippine Air Force, Central Command ug pribadong mga dentista. Libre sang paghiling sa mata ug antipara sa Eyebrowse ni Dr. Angie Fernandez. Libreng laboratory services, sama sa fasting blood sugar (FBS) sa Stanford Laboratory, ECG sa Plasimin, chest x-ray sa Reactive Medical Laboratory ug Association of Concerned Texters ug ang gatosan ka coupons sa Chong Hua Hospital alang sa chest x-ray, CBC, FBS, urinalysis, blood typing ug cholesterol.               

***

Libreng serbisyo ug notaryo sa mga abogado sa Gullas Law School sa University of the Visayas (UV), Integrated Bar of the Philippines ug sa Nationalist Guardians International. Libreng masahe, reflex ug tupi sa St. Joseph San Roque Foot Reflex Association, City Aqua Spa & Wellness Center, Naval Forces Central, Bright Pathway Assocation ug nilang Leonila Torrefranca ug Teresita Igloria.

Libreng pag-ayo sa cellphones, PC, laptop ug motorsiklo sa Tesda, FastCom Laptop and PC Specialist ug Adrian Guanzon. Bisan ang mga iro ug iring libreng alagaran sa Cebu City Department of Veterinary Medicine and Fisheries, Southwestern University ug Caminade Pet Shop.

***

Magbaha ang libreng ice cream, kape, empanada, pan, masareal, lugaw, binangkal, bam-i, donut, tubig, margarine, mantika, haplas, duwaan, unlan, Silverasyon shirt printing, school supplies ug diapers sa Bantay Bata 163 ug manggihatagong mga kompaniya ug indibiduwal.

Seminars sa panginabuhi, patigayon ug pakigpung, techno demo skills training, road safety seminar ug one stop shop sa mga pangalagad sa DFA, NSO, SSS, GSIS, PhilHealth, Pag-Ibig ug Cebu City Civil Registrar. Sugdang Halad sa Santos nga Misa ni Padre Socrates Saldua sa alas-6 sa buntag ug tapuson sa "Sadsad sa Halad Disco" sa DYLS FM sa alas-9 sa gabii.

***

Email: [email protected]