Dili ta magpakauwaw

Ang mga sakop sa media o press girespitohan g’yud sa katawhan kay sila maoy mosabwag kanila og mga balita nga angay nila nga mahibaw-an gikan sa atong kagamhanan ug sa ubang mga panghitabo.

 Kini gani maoy rason nganong nagpabilin ko niining maong propesyon samtang ang pipila sa akong mga kauban kaniadto anaa na magtrabaho sa mga kompaniya nga dagko og sweldo.

 Gihulagway nila nga kuyaw ang pagka sakop sa media kon motuman ka g’yud sa katungdanan nga dili mahadlok mobutyag sa mga anomaliya sa kagamhanan ug sa ubang mga tawo.

 Gani ako makadaghan na gihulga apan wala lang kini mahibaw-i kay dili sama sa ubang sakop sa media nga ila man dayong ibalita, ako kon dunay hulga ihilom ra nako og kon duna ko’y sultihan ang ako ra nga mga suod nga higala.

 Sama kaniadto nga gihisgutan nako sa akong lindog ang giingong “druglord” sa barangay Calamba, aw wala g’yud mosipyat. Dihang gibulgar nako ang isyu sa binuang sa usa ka opisyal sa polis ug nasuspenso g’yud gani, aw gi-personal pa ko’g hulga.

 Kadto tipik lang sa mga hulga nga akong nadawat apan wala kini makapalubad sa akong tinguha nga magpadayon sa akong nasugdan na nga propesyon isip magsisibya sa radyo, tigbalita ug kulumnista sa mantalaan.

* * *

 Kay nagsaulog man kita sa Press Freedom Week karon, pahimudsan nako ang pag-awhag sa akong mga kauban sa buhat nga unta tabangan nato ang atong kaugalingon aron nga respitohan kita sa atong mga news sources.

 Sa news sources forum nga gipasiugdahan sa Kapisanan ng mga Brodkaster ng Pilipinas (KBP) kaniadtong Sabado, si Senior Superintendent Louie Oppus nga maoy deputy regional director sa Police Regional Office (PRO) 7 mihatag og tambag sa media.

 Miawhag siya nga ang mga reporters magsul-ob g’yud og identification cards (ID) nga magpaila nga sila mga tigbalita. Husto si Koronel Oppus kay ako bisan og dugay na sa media magsul-ob g’yud kanunay og ID.

 Dili man gud tanang tawo ang nakaila sa mga reporters. Nahinumdom ba kamo kaniadto nga dunay reporter sa mantalaan nga miresponde og pagpamusil mao na hinoon ang gidakop.

 Tambag ni Koronel Oppus nga gawas nga mag-ID kitang mga reporters, ang ubang mga news sources miingon nga angay usab nga kitang reporters presentabli nga moadto sa atong tagsa-tagsa ka news beat.

 Nakabantay g’yud tinuod ko nga dunay mga reporters nga moadto sa ilang news beat nga mag-sinelas ra gani, ang uban mag-purol lang. Angay g’yud nga mag-ID kitang mga reporters kay aron dili kita maa-an nga “paltik” nga reporters.

 Husto ang gisulti sa usa ka opisyal sa kagamhanan nga dunay magpatoo nga reporters nga dili man mag-take note sa interview ug inigkahuman og kaon sirit man og lakaw, ug usahay may gibitbit pa nga putos!

* * *

 Paita, may nabantayan g’yud ko nga dunay mga konsehal nga nagtinalawan paghimo’g komentaryo sa sugyot nga ang Cebu City Council mamalit og “firemen’s protective vest” alang sa bise mayor ug sa tanang konsehal.

 Dihang bahina nakaingon ko nga bati kaayo ang gipakita nila nga tilimad-on. Ang tinuod, angay unta sila nga mobarog depende sa katawhan nga ilang girepresentahan. Ayaw ko’g ingna nga uyon ang katawhan nga kamong mga sakop sa konseho mogasto og P490,484 sa pagpalit og sinena para sa bombero?

 Maayo ra ba g’yud og moresponde mo kon dunay sunog ug ubang katalagman. Sa laktod, usik-usik ra sa kwarta ang maong gasto. Ang tunga sa milyon ka pesos gastohon pa kana ninyo aron idugang sa pag-ayo sa atong drainage systems nindot pa.

 Nindot unta kon dili na idayon ni Konsehal Noel Wenceslao ug Vice Mayor Joy Augustus Young ang ilang tinguha nga magpapalit og sinena sa bombero sa matag usa sa mga sakop sa konseho.

Pagpangutana gud mo sa katawhan nga inyong masugatan kon uyon ba sila sa inyong giplano. Unya, kamong mga konsehal nga girespitohan diha