Twitter sa 1986

Nadapit ang akong pagtagad sa pangutana ni Rico Lucena, ang nagduma sa tibuok adlaw namong kalihokan sa Fuente Osmeña Rotunda pagtimaan sa ika-25 nga sumad sa Edsa People Power Revolution, ug sa ubang batan-ong mga sakop sa media: Unsa kahay dagway sa Edsa Uno kon diha pay Facebook, Twitter ug ubang social media networks?

Mas sayon unta ang pagpangita og mga hulagway sa pagsugod sa mga Sugbuanon sa mga protesta batok ni Ferdinand Marcos.Ang People Power wa magsugod sa Edsa.Ni sa 1986.Nibarog batok sa diktadura ang mga Sugbuanon pinaagi sa freedom marches sa Fuente Osmeña ug kadalanan sa Sugbo bisan sa wa pa patya si Ninoy Aquino.

* * *

Di sab unta ko maglisod pagtuman sa tahas nga akong lindog karong adlawa paghingan sa labing bantogang mga magsisibya sa Sugbo.Maong pasayloa nga hingpit nakong saligan ang akong panumdoman.Sa laing pagkasulti, kutob ra gyud ni sa mahinumdoman.

Labing bantogan sa mga magsisibya nga nibarog batok ni Marcos mao si Natalio “Talyux” Bacalso, sakop sa Pusyon Bisaya nga nangharos sa piniliay sa Interim Batasang Pambansa sa 1978.Kaubanan niyang assemblymen nga nanglingkod hangtod 1984:Hilario G. Davide Jr., Bartolome C. Cabangbang, Eutiquio C. Cimafranca, Alfonso N. Corominas, Jr., Filemon L. Fernandez, Jorge M. Kintanar, Valentino L. Legaspi, Mariano R. Logarta, Enrique L. Medina, Jr., Dominador M. Pernes, Jesus L. Villegas ug Julian B. Yballe.

* * *

Ang magsisibya nga labing makatubag sa pangutana ni Rico ug kaubanan mao si Inday Nita Cortes-Daluz:Bantogang dramatorga sa 60’s ug 70’s nga nahimong simbolo sa pagsukol sa diktadurang Marcos sa 80’s.Siya ug ang radyo maoy Facebook ug Twitter niadtong higayona kay daghang Sugbuanon ang magtapok human nila’g sibya asa ug kanus-a ang sunod nga protesta.

Niang kaubanan ni Inday Nita sa DYRE (nga gipakandadohan ni Marcos) ug ubang sibyaanan nga iyang gibalhinan:Tony Avila, Tony Cuenco, Max Andrino, John Manalili, Bobby “J” Juanico, Atty, Maning Paradela, Vic Canoy, Mar Lopez ug uban pa.

* * *

Niang uban nga mga magsisibya sa Sugbo nga maisugong nibarog batok ni Marcos:Atty. Migs Enriquez, Atty. Vic Villordon, Atty. David Ompoc, Roy Ladiona, Pat Sedigo, Jane Carabuena-Paredes ug Rolly Chica.

Duha ka tuig pa lang ko sa radyo dihang niulbo ang Edsa.Ang among van sa DYLA, nga gipasanginlang itoy ni Marcos, gibalitok sa bagang duot sa katawhan sa Fuente Osmeña nga nitambong sa paglusad ni Cory Aquino sa civil disobedience campaign.Ang among grupo gipangulohan nilang George Carlos ug Cerge Remonde ug gisakpan nilang Boy Kyamko, Art Tariman, Emil Fortuna, Sam Costanilla, Jun Caña, Calvin Alfeche, Eric Labrada, John Felix Adlawan, James Arias, Warly Villasencio, Hermes Suaring, Ruben Carranza Jr., Danny Pobe, Neil Moreno ug Francis Wah.

* * *

Email:[email protected]