Mga eyesores
Daghan ang wala makagusto sa gihimo ni Mayor Tomas Osmeña nga pagkonsiderar sa awhag kaniya ni Ermita barangay captain Felicisimo “Emok” Rupenta nga dili lang kaayo “pit-on” ang mga sidewalk vendors nga sakop sa ilang organisasyon.
Gihagit karon sa publiko ang mayor nga dili niya tumanan sa kapritso si barangay kapitan Rupenta nga gisaway nila kay miabot na og laing mga barangay sa paglaban sa mga sidewalk vendors” aron nga dili sila mapapahawa sa dapit nga ilang nahimutangan.
Kini god si kapitan Rupinta nahimo siya inila dihang napili siya nga presidente sa Cebu City United Vendors Association (CCUVA) mao nga kun ang maong grupo dunay mga problema, dili g’yod siya makatalikod.
Gihisgotan na nako kining maong isyu kaniadto dihang malampuson si Emok nga mikombinsir ni Tommy nga ipahunong ang demolisyon sa mga sidewalk vendors didto sa kilid sa Vicente Sotto Memorial Medical Center sa dalan B. Rodriguez.
Apan nabuhi kini pagbalik tungod kay daghan ang mireklamo batok kaniya pinaagi sa official website sa City Hall. Ang hinungdan niini kay ang mga tindera nga sakop sa CCUVA, kadto ba nga mga Larsian barbecue vendors, nag-operate na usab diha sa Fuente Osmeña rotunda.
Gihatagan na god unta sila og luna didto sa kilid sa
Wala g’yod sila’y kalainan sa mga tindera nga anaa nagpahimutang kilid sa Fort San Pedro nga maayo usab nga palayason sa ilang nahimutangan kay mentras wala sila’y katungod nga moestar sa maong dapit, mahal kaayo sila’g binaligyaan.
Espoko mo nga ang gamay kaayong hiwa sa isda nga tinuwa, ibaligya nila’g tag P25? Nganong ila man nga mahalon nga wala man sila mag-abang diha sa karsada o plaza? Kun nag-abang man gani ang anaa sa plaza, barato kaayo.
Timan-i g’yod ninyo nga gitataw g’yod sa daghang mga Supreme Court ruling nga ang mga karsada, “is beyond the commerce of man.” Aw tingali nagbinilyako usab sila si Emok.
Basin og ilang ingnon nga ang gipasabot sa Supreme Court “man” kun lalaki apan ang mga tindera babaye man.
Matud sa usa sa mga mireklamo “How can we expect people to follow the rules, ordinances, laws when a public official like Emok Rupinta will just violate the law and the mayor just tolerates his illegal activities.?”
Dihang gisugdan na god pagpangguba sa mga sakop sa demolition team ang tindahan sa mga sidewalk vendors didto sa dalan B. Rodriguez, kalit lang miabot si Rupinta.
Dayon og kuot sa iyang bulsa, kuha sa iyang cellphone ug gitawag ang mayor. Tuod man, wala matiwas ang pagpangguba sa mga tindahan.
Angay’ng mahibaw-an ni Emok nga ang iyang gihimo nakahatag og kaayohan sa mga hingtungdang tindera, apan daghan ang wala makagusto kaniya.
Usa sa mireklamo nga mabasa nimo ni Bay sa City hall website nagkanayon “After nahuman baligya tanan karsada diha sa Carbon, ni branch out na pud si Emok Rupinta sa Fuente.”
Pero usbon nako, si higalang Emok maglisud lagi og talikod sa CCUVA kay mao kini ang grupo nga nagsapupo kaniya. Kaniadto dihang naninda pa lang og mga lamas si higalang Emok, dili siya ilado. Husto ba ko Bay?
Apan alang ni Mayor Osmeña, dili maayong palab-anan nato ang mga sidewalk vendors kay molaksot pag-ayo ang dakbayan kun ang aseras maputos na sa mga tindahan nga ang uban dunot ug nagkadaiya lang ang dagway. Sa laktud mga “eyesores.”
* * *
Dalaygon kaayo ang gihimo ni Kongresista Benhur Salimbangon kay gitagad g’yod niya ang problema sa mga tigpanawan sa dagat nga sagad mogamit sa pantalan sa Hagnaya, San Remigio.
Taga didto ko sa fourth congressional district ug sinati ko sa kamabaw sa dagat diha sa Hagnaya. Mao man gani nga dili makalahos pagdunggo ang mga lansa nga gikan sa Bantayan ug
Ang sagad buhaton mao nga ang mga pasahero mobalhin og mga pumpboat nga mohatud kanila paglahos ngadto sa pantalan. Resulta, dunay pumpboat nga giluwanan sa mga pasahero nga nalunod pipila ka tuig ang nakalabay ug daghan ang namatay.
Human mapili sa pagka kongresista si Benhur, gitagad g’yod niya ang problema ug malampuson niya nga nakombinsir si Presidente Arroyo nga magahinan og salapi ang pagpalawom sa Hagnaya Channel.
- Latest
- Trending
