2 magdyowa tiklo sa higit P10 milyong shabu
MANILA, Philippines — Dalawang mag-asawa ang naaresto ng mga otoridad sa magkahiwalay na anti-illegal drugs operation sa Maguindanao at General Santos City.
Kinumpirma kahapon ni Brig. Gen. Romeo Jaime Macapaz, director ng Police Regional Office-Bangsamoro Autonomous Region ang pagkaaresto sa mag-asawang Oks Ayunan Odin at Bellia Antilino Odin sa isang buy-bust operation sa Datu Odin Sinsuat, Maguindanao.
Unang inilatag ang entrapment operation sa Barangay Salimbao sa Sultan Kudarat, ngunit humiling ang mag-asawa na sa Dalican sa Odin Sinsuat na isagawa ang transaksyon na kung saan sila naaresto at nasamsam ang nasa P6.8 milyon halaga ng shabu.
Samantala, naaresto din ang mag-asawang sina Dodong Sano, 46; at misis na si Rose na isang manikurista, kapwa residente ng Purok Fatima, Brgy. Dadiangas West, General Santos City sa isang drug operation at nasamsam ang nasa 516 gramo ng shabu na nagkakahalaga ng P3,502,000 milyon.
- Latest
