SALN ug basura

Gikan sa kapin sa P7 milyones sa tuig 2007 misaka ngadto kapin sa P98 milyones ang kinatibuk-ang bahandi ni Bise Presidente Sarah Duterte basi sa iyang gisumitir nga Statements of Assets Liabilities and Networth sa buhatan sa Ombudsman.

Kining P98M nga networth limpiyo na kini nga bahandi sa  Bise Presidente tungod kay gikuhaan na kini sa mga liabikities sa iyang kinatibokan nga assets.

Ang pagsangat og SALN gimando kini sa balaud sa tanang mga kawani og opisyal sa gobyerno sa tuyo nga subayon ang dagan sa ilang bahandi aron makita wala ba sila nagpadato samtang nangalagad sa gobiyerno.

Mao kini ang rason ngano nga gipresentar isip ebidensiya sa prosecution alang sa kaso nga unexplained wealth ang SALN sa bise presidente nga dako ang paglubo gikan sa iyang pagka mayor hangtod napili siya nga bise presidente.

Pero wala ba hunahunaa sa prosecution nga kun ang SALN nga gisumitir sa opisyal o kawani sa gobiyerno segurado gayod nga ang maong opisyal makapasabot niini?

Kun ikaw ang pangutan-on mosumitir kaha ka og SALN nga dili ka makaisplikar o makapasabot?

* * *

Gikonsiderar karon sa lokal nga kagamhanan sa dakbayan sa Sugbo ang paglabay sa basura niini sa dakbayan sa Toledo human wala na moapil sa bidding ang Prime Waste Solutions human gidiskuwalipay sa BAC kay expired na ang Philgeps registrations.

Kun dili man diay ko makalabay sa akong basura sa labayanan nga naa mahimotang sa akong dakbayan mas maayo pa nga ako kining pasirad-an.