Diesel tataas ng P4.50/L sa susunod na lingo
P1.50/L rollback sa gasoline
MANILA, Philippines — Posibleng magkaroon ng pagtaas sa presyo ng diesel ng hanggang P4.50 kada litro habang may rollback naman ang presyo ng gasolina ng P1.50 kada litro sa susunod na linggo.
Batay sa Mean of Platts Singapore (MOPS) trading at foreign exchange averages sa nakalipas na apat na araw, sinabi ng isang oil industry source na inaasahan na nila ang dagdag-bawas sa presyo ng mga produktong petrolyo.
Nakaapekto ang pagtaas ng presyo ng krudo at mga produktong petrolyo ngayong linggo dahil sa pangamba sa posibleng matagalang pagkaantala ng suplay kasunod ng pagkakahinto ng usapang pangkapayapaan at panibagong banta ng Iran na tuluyang isara ang Strait of Hormuz.
Dagdag pa ang pangamba na maaaring umabot sa kritikal na antas ang pandaigdigang imbentaryo ng langis kung magpapatuloy ang kasalukuyang bilis ng pagbaba ng mga reserba.
- Latest
