Away sa negosyo sinisilip na motibo - PNP
Sa pagpatay kay Perry Mariano
MANILA, Philippines — Sinisilip ng Philippine National Police (PNP) ang away sa negosyo sa pamamaslang sa negosyante at tinaguriang Night Club King na si Perry Mariano at sa driver nito sa Quezon City.
Ayon sa PNP spokesperson PBGen. Randulf Tuaño, maraming negosyo si Mariano kaya inaalam na ng mga imbestigador kung anong negosyo ang posibleng ugat ng pamamaslang dito.
“Dahil ang nasabing indibiduwal ay businessman ng iba’t ibang business ay ina-identify na lang kung anong specific business na kinabibilangan ng biktima ang may kinalaman sa pagpatay sa kanya,”ani Tuaño.
Pinagbabaril ng riding in tandem si Mariano kung saan nadamay ang driver nitong si Norberto Orimaco sa Timog Ave. nitong Martes ng hapon.
Puspusan din ang manhunt sa mga suspek na kilala na ng mga awtoridad matapos na makita sa CCTV nang abandonahin ang motorsiklo at magpalit ng damit.
“Maganda po ‘yong resulta ng patuloy na investigation ng SIT (Special Investigation Team) ng QCPD (Quezon City Police District) at sa tingin niya (Director Randy Glenn Silvio) po, magkakaroon ng magandang resulta ang follow-up operations na ginagawa,” dagdag pa ni Tuano.
Kilala si Mariano na nagtatag ng Bugsy Promotions and Lucky Break, na humuhubog at sumusuporta sa mga billiards enthusiast.
Tinawag din itong “Godfather of Philippine Billiards.”
- Latest
