Manggagawa libre sa LRT-2 sa Labor Day

MANILA, Philippines — Magkakaloob ng libreng sakay ang Light Rail Transit Line 2 (LRT-2) sa mga manggagawa sa Mayo 1, Labor Day.

Sa abiso ng Light Rail Transit Authority (LRTA), na siyang nangangasiwa sa operasyon ng LRT-2, nabatid na ang libreng sakay ay maaa­ring i-avail ng mga mang­gagawa mula 7:00AM hanggang 9:00AM at mula 5:00PM hanggang 7:00PM.

“Bilang pakikiisa sa pagdiriwang ng Araw ng Paggawa o Labor Day ngayong Mayo 1, 2026, magkakaloob ang ng Libreng Sakay para sa lahat ng manggagawang pasaHERO ng LRT Line 2,” ayon sa LRTA.

“Ang libreng sakay na ito ay munting pagkilala sa walang sawang pagsusumikap at sakripisyo ng mga manggagawang Pilipino,” ayon kay LRTA Administrator Hernando Cabrera.