Beybi lapnos katawan sa kumukulong tubig
MANILA, Philippines — Nalapnos ang kalahating katawang isang taong gulang na sanggol makaraang mapaliguan ng kumukulong tubig ng kanyang yaya sa Marikina City, kamakailan
Agad na dinala ng kanyang mga magulang sa Amang Rodriguez Memorial Medical Center si alyas “Marcus” na agad namang nabigyan ng paunang lunas. Ang sanggol ay napaliguan ng kanyang yaya na si alyas “Ruby”, 57.
Makalipas ang dalawang araw ay sinabihan sila na kailangang isailalim sa scraping o pagkayod ng nasunog na balat at kailangan saksakan ng pampatulog at hindi maaring padedehin sa loob ng 24 oras.
Nabahala ang mga magulang ni Marcus na matapos ang 24 oras ay sabihan sila ng isang resident physician na dehydrated na kaya dapat nang padedehin.
Mas lalo pang tumindi ang galit at pangamba ng magulang ni Marcus nang matapos ang dalawang araw ay sinabi ng ospital na hindi kakayanin ng ospital ang nasabing procedure.
Hanggang 30% degree burn lang ang kaya ng ospital habang nagtamo naman ng 40% degree burns si Marcus.
Sinabihan na lamang sila ng ospital na ilipat sa ibang ospital si Marcus kung saan kanilang iko-coordinate upang agad na malunasan.
Ayon sa magulang ni Marcus, dismayado sila sa sistema ng nasabing ospital na dapat na tutukan ng city government.
- Latest
