Mga buto ng tao nahukay sa ilog

MANILA, Philippines — Nagsasagawa ng imbestigasyon ang Quezon City Police District (QCPD) hinggil sa pagkakahukay ng mga buto ng tao sa ilog sa Brgy. Bagumbayan, Quezon City.

Dakong alas-5:15 ng hapon nang makuha ang mga buto ng tao sa ilalim ng Felix Manalo Bridge, Marikina-Pasig River, Circulo Verde, Barangay Bagumbayan, Quezon City.

Naghuhukay ng putik sina Diosdado Molina at Ferdinand Acosta gamit ang backhoe nang lumutang ang bungo at mga buto ng tao.

Agad nila ito inireport sa mga barangay officials ang nadiskubre at dinala sa JROA Funeral Service.

Nagsasagawa pa ng follow up investigation ang mga awtoridad sa insidente.