‘NCRPO Oplan Bantay Kalusugan’, inilunsad
MANILA, Philippines — Upang masiguro na nasa tamang pag-iisip at pangangatawan ang mga pulis sa Metro Manila, inilunsad ni National Capital Region Police Office (NCRPO) chief PMGen. Jose Melencio Nartatez, Jr. ang “NCRPO Oplan Bantay Kalusugan” sa Hinirang Multi-Purpose Hall, Camp Bagong Diwa, Bicutan, Taguig City.
Nabatid kay Nartatez, ang proyekto ay alinsunod sa 7-point agenda ng NCRPO na layong pangalagaan ang kapakanan at moral ng mga pulis na sumasabak sa iba’t ibang insidente at krimen sa lansangan.
Ayon naman kay PBGen. Reynaldo Tamondong, Deputy Regional Director for Administration, kailangan na mamonitor ang pangangatawan ng mga pulis upang maiwasan ang
overweight, obesity, at iba pang health issue na maaaring makaapekto sa kanilang tungkulin.
Aalalay din ang “NCRPO Oplan Bantay Kalusugan” sa pamamagitan ng physical fitness, lifestyle, dietary adjustments, at physical activity upang makamit ang normal na BMI.
Hindi maikakaila na may ilang mga pulis na nakararanas din ng depresyon at pagod sa trabaho.
- Latest