P6.7 B pekeng mga produkto, winasak

MANILA, Philippines — Winasak ng pinagsanib na pwersa ng Philippine National Police (PNP) National Bureau of Investigation (NBI)  at iba pang ahensiya ng gob-yerno ang may P6.7 bilyon halaga ng mga pekeng produkto kahapon sa Camp Crame.

Ang mga peke at pirated na produkto ay na­kum­piska ng mga law enforcement agencies, kabilang sa National Committee on Intellectual Property Rights (NCIPR) na pinangunahan ng Intellectual property Rights Office of the Philippines (IPOPHIL) sa unang limang buwan ng taon.

Sinabi ni IPOPHIL Director General Josephine San­tiago, ang halaga ng kanilang mga nakum-piskang produkto mula Enero hanggang Mayo ng taong ito ay katumbas ng 80 porsyento ng kabuuang nasamsam nilang kontrabando noong nakaraang taon na P8.2 Billion.

Madadagdagan pa umano ito kapag nakuha na nila ang complete reports ng mga nakumpiska ng Bureau of Customs, Food and Drug Administration at Optical Media Board.

Pinakamalaking bilang ng mga nakumpiskang produkto ang 6.3 bilyong pisong halaga ng mga pekeng sigarilyo at cigarette-making machines, na nakumpiska ng PNP at NBI.

Kasama rin sa mga nakumpiska ang 151 mil­yong pisong halaga ng mga pekeng designer bags, at 103 milyong pisong halaga ng pirated DVD’s.