Bebot inutas dahil sa droga
MANILA, Philippines – Utas ang isang ginang makaraang barilin sa ulo ng hindi nakikilalang suspect na sinasabing may kaugnayan sa iligal na droga, kamakalawa ng gabi sa Malabon City.
Hindi na umabot ng buhay sa Manila Central University Hospital ang biktimang si Rowena Monasterial, 49, ng P. Concepcion St., ng naturang lungsod. Agad namang tumakas ang nag-iisang suspek na nakilala sa alyas Nonoy/Negro.
Sa ulat ng pulisya, nakatayo sa may Tumrez St., Brgy. Tugatog dakong alas-8:30 ng gabi ang biktima nang dumating ang suspek na armado ng hindi mabatid na kalibre ng baril.
Agad namang nakita ni Monasterial ang suspek at tinangkang tumakas ngunit nakorner pa rin siya nito at binaril nang malapitan sa ulo. Mabilis na tumakas ang salarin matapos ang krimen.
Ayon sa ina ng biktima, nakakatanggap ang kanyang anak ng death threats dahil sa koneksyon sa iligal na droga na talamak sa kanilang lugar.
- Latest
