Holdaper patay sa mga pulis sa QC
MANILA, Philippines - Patay ang hindi pa nakiÂkilalang holdaper makaraang makipagbarilan sa mga pulis matapos holdapin ang isang ladyguard sa Brgy. Commonwealth, Quezon City kamakalawa ng gabi.
Ang suspek na tinaÂtaÂyang nasa 30 hanggang 40 anyos, kayumanggi ang balat, katamtaman ang paÂngangatawan ay nagtamo ng tama ng bala ng baril sa iba’t ibang bahagi ng katawan.
Nakatakas naman ang isang kasamahan ng suspek at kasalukuyan ngayong pinaghahanap ng mga pulis.
Ayon kay SPO4 Peter Wala Wala ng Quezon City Police District station 6 Batasan naganap ang insidente sa Kagawad Road, Brgy.Commonwealth,QC dakong alas-9:40 ng gabi.
Naghihintay ng masasakyan ang biktimang si Melinda Librado, 50, security guard, ng Brgy. Muzon, San Jose Del Monte, Bulacan sa Litex Road, sa harap ng wet market Brgy. Commonwealth, QC nang tutukan siya ng baril saka hinoldap ng dalawang lalaki sakay ng isang motorsiklo.
Tinangay ng mga suspek ang bag ng biktima saka mabilis na tumakas patungo sa direksyon ng Kagawad Road.
Nagreklamo naman ang biktima sa himpilan ng QCPD station 6 Batasan saka nagsagawa ng operasyon ang mga pulis sa pangunguna ni Senior Inspector Hector Ortencio.
Habang nagpapatrulya ang mga pulis sa naturang lugar naispatan ng mga ito ang mga suspek habang sakay ng motorsiklo.
Sinita ng mga pulis ang mga suspek subalit agad bumunot ng baril at pinaputukan ang mga pulis.
Dito na gumanti ng puÂtok ang mga pulis at nang mapawi ang putukan tumimbuwang ang isa sa mga suspek habang nakatakas naman ang isa pa.
- Latest
