Tindahan ng sex gadgets sinalakay

MANILA, Philippines - Sinalakay ng  mga ta­uhan ng  Manila City Hall- Manila Action and Special Assignment (MASA) ang  mga  tindahan ng sex gadgets na  sinasa­bing  talamak sa Maynila.

Ayon kay  Chief Insp. Bernabe Irinco Jr., hepe ng MASA, dakong alas 10:40 ng umaga kamakalawa nang salakayin ang  overpass sa Quezon Blvd.

Aniya, talamak na ang bentahan ng mga sex toys at gadgets kung kaya agad niyang pinakalat ang kanyang mga tauhan sa pa­ngunguna ni  Insp. Manuel  Laderas.

Dito  dinakip sina Alvin Chavez at Joshua Discaya na nahuli sa aktong nagbebenta. Bigo din ang mga ito na magpakita  ng kanilang  business permit.