Kelot todas sa holdap

MANILA, Philippines - Patay ang isang 30-anyos na lalaki matapos umanong manlaban sa isang holdaper sa Brgy.Pasong Tamo,Quezon City kahapon ng madaling-araw.

Kinilala ang biktima na si Andy Rano, binata, electrical technician ng Block 31, Unit 311 Phase 3 Pilot Drive MRB,Brgy.Commonwealth,QC. Nagtamo ito ng  tama ng saksak sa kanyang katawan.

Ayon kay SPO4 Rafael Peralta ng Quezon City Police District Criminal Investigation and Detection Unit (QCPD-CIDU) naganap ang insidente sa tabi ng First St.,Area Pasong Tamo,QC dakong 12:05 ng madaling-araw.

Sinabi ng witness na si Cindy Mercuso na nanonood siya ng TV ng makarinig siya ng malakas na sigaw at may humihingi ng tulong ng silipin nito ang pinanggagalingan ng paghingi ng saklolo nakita nito ang isang hindi kilalang lalaki na papalayo sa lugar.

Hinihinala ng mga otoridad na hinoldap ang biktima at nanlaban dahilan para saksakin ito ng suspect.