QCPD nagbabala vs bagong carjacking group
MANILA, Philippines - Muling pinag-iingat ng Quezon City Police District (QCPD) ang publiko, partikular sa mga may-ari ng bagong sasakyan laban sa mga sindikato ng carjacker na maaaring mambiktima, kasunod ang pagkakaarestong muli sa anak ng lider ng grupong “Mac Lester Carjacking group†sa lungsod.
Ayon kay QCPD Director Chief Supt. Richard Albano, posibleng kumikilos na ang grupo at muling umatake, upang matugunan ang pangangailangan ng isa sa itinuturing nilang lider na si Mark Joseph Reyes, 19, na kanilang nadakip nitong Sept. 5, 2013.
Sinabi ni Albano na may posibilidad na makapagpiyansang muli si Mark Joseph at muling gumawa ng iligal na aktibidad sa pamamagitan ng bagong modus operandi kung saan magpapanggap na bibili ng sasakyan sa isang buy and sell agent.
Nabatid kay Albano na 16-anyos nang unang maaresto si Mark Joseph kasama ang ama nito na si Mac Lester, at nanay na si Jasmin Lescano-Reyes, 33, dahil sa pagdadala ng una ng baril at pagtangay sa isang itim na Toyota Fortuner (NOG-594) na pag-aari ni Alfredo Villasanta bise-presidente ng Social Security Service noong August 11.
- Latest
