Lalaki isinakay bago pinatay
MANILA, Philippines - Dead-on-the-spot ang isang hindi pa kilalang lalaki nang barilin sa kaliwang mata na tumagos sa likod ng ulo ng isang kasakay nito sa tricycle sa bahagi ng Binondo, Maynila, kamakalawa ng gabi.
Inilarawan ni SPO3 Glenzor Vallejo ng Manila Police District-Homicide Section ang biktima sa edad na 20-30, may taas na 5’3’’-5’5’’, payat, nakasuot ng jacket na kulay asul at kumbinasyong dilaw, maong short pants at puting rubber shoes, may tattoo na “9 stars†at larawan ng rosas naman sa bukong-bukong.
Hinihinalang magkasabwat ang driver ng tricycle at gunman na angkas nito, na kapwa tumakas matapos ang pamamaril.
Nabatd sa ulat na naganap ang insidente dakong alas 11:00 ng gabi, kamakalawa sa panulukan ng Juan Luna at Muelle de la Industria Sts., sa Binondo.
Patuloy pa ang isinasagawang imbestigasyon sa naÂsabing insidente.
Dinala ang bangkay sa St.Harold Funeral para sa awtopsiya at safekeeping. (Ludy Bermudo with trainee Hazel Regondola)
- Latest
