Matandang palaboy, natagpuang patay

MANILA, Philippines - Isang hindi pa kilalang palaboy ang natagpuang patay  habang nakahiga malapit sa isang creek  sa Malate, Maynila, kahapon ng umaga.

Namataan ng mga kagawad ng Manila Police District-Police Station 9 ang biktimang inila­rawan sa edad na 55-60, may taas na  5’2-5’4, may tattoo na Warriors sa kanang hita at  nakasuot   ng kulay dilaw na t-shirt at kulay violet na shorts.

Sa ulat ni SPO2 Glen­zor Vallejo, dakong alas- 5:46 ng umaga nang magsagawa ng clearing operation ang mga tauhan ng MPD-PS 9 sa kahabaan ng Mabini  St., sa Malate nang lapitan ang bikima, na unang inakala na natutulog lamang at nang lapitan ay doon natuklasan na isa na itong malamig na bangkay.

Wala naman umanong indikasyon na pinatay o pinahirapan ang biktima, na nakalagak na sa Universal Funeral Homes.