MANILA, Philippines - Kusang nagpasalubong kay kamatayan ang 27-anyos na katiwala na sinasabing nagselos sa kanyang nobya matapos itong magbaril sa sentido sa loob ng simbahan, sa Sta. Cruz, Maynila Kamakalawa ng gabi.
Kinilala ang nag-suicide na si Leo Sambilan, janitor at katiwala sa The Church in Manila sa #1007 Ongpin Street sa Sta. Cruz, Maynila.
Sa ulat ni SPO3 Rodelio Lingcong ng Manila Police District-Homicide Section, naganap ang insidente dakong alas-11ng gabi noong Sabado kung saan dumating sa simbahan ang biktima na lango sa alak.
Tinanong ang biktima ng pinsang si Antonio kung kumain na subalit tumango lamang ito bago dumiretso sa kanilang quarter.
Habang inilalagay sa refrigerator ang mga pinamiling gulay ay umalingawngaw ang malakas na putok ng baril kaya tinungo ang kuwarto ng pinsan para siyasatin kung saan bumulaga ang duguang biktima.
Nakalagay sa suicide note ng biktima na nasa cellphone na nai-send sa kanyang nobyang si Ivy ang katagang “huwag mo akong pagselosin at pasensiya ka na hindi ko kinaya.”
Narekober naman sa tabi ng biktima ang cal. .38 paltik na baril.