Manila, Philippines - Utas ang isang 33-anyos na lalaki nang barilin sa sentido ng hindi pa kilalang suspect sa Port Area, Maynila, kamakalawa ng gabi. Nakilala ang nasawi na si Jesus Rivera, ng Baseco St., Port Area. Dakong alas-7 ng gabi nang barilin umano ang biktima sa hindi mabatid na dahilan. Walang impormasyong nakuha hinggil sa motibo at pagkakakilanlan sa salarin. Patuloy pa ang imbestigasyon sa kaso.