333% toll increase sa SLEX kinastigo

MANILA, Philippines - Tinuligsa ng isang militanteng grupo ang planong 333% pagtataas sa singil sa toll ng South Luzon Expressway (SLEX) dulot umano ng privati­ zation nito.

Sinabi ng grupong Bagong Alyansang Ma­ka­bayan (Bayan) na walang karapatan ang Manila Toll Expressway Systems Inc. (Mates) sa pagtataas sa toll dahil hindi naman nito naso­lusyunan ang pag­bu­­buhol ng trapiko sa 30-kilometrong kalsada.

Dapat umanong ma­awa ang Mates sa mga motorista na hindi naman lahat ay mayayaman na napipilitang maglabas ng pera mula nang mag­patu­pad ng 12% VAT sa tolls.

Nitong nakaraang Lunes, hiniling ng Mates sa Toll Regulatory Board (TRB) na itaas ang singil nila buhat sa kasaluku­yang P.82 sentimos kada kilometro sa P3.55. Kung papayagan ito ng TRB, mistulang binigyan pa ng premyo at iniendorso pa ang kapalpakan ng Mates.