MANILA, Philippines - Naaresto na ng mga tauhan ng Manila Police District (MPD) ang sinasabing responsable sa paninira ng may 20 streamers nina dating Pang. Cory Aquino at ng kabiyak nitong si Ninoy sa P. Burgos St. sa Maynila.
Si Severino Reyes, 43, ng #1992-A Singalong St., Malate, Manila ay dinakip kahapon ng madaling-araw sa kahabaan ng Roxas Blvd. at panulukan ng UN Ave., sa harapan mismo ng US Embassy.
Nabatid na si Reyes ay miyembro ng OYSTER o taga-linis sa mga lansangan. Isang stepped-up patrol ang itinalaga sa nasabing lugar upang bantayan ang ginagawang paninira sa mga streamer ng dating Pangulo at kabiyak nito na nagresulta naman ng pagkakaaresto kay Reyes makaraang maispatan itong maninira muli sa Roxas Blvd.
Nagtangka pang tumakas si Reyes subalit agad din itong masakote ng pulisya.