MANILA, Philippines - Isang 34-anyos na dalaga ang nagpatiwakal matapos itong ma-depress nang iwan at hiwalayan ng kanyang kinakasama kahapon ng umaga sa Caloocan City.
Kinilala ang nasawi na si Marilou Buenaventura, ng Bagong Sibol St., Brgy. 28, ng nabanggit na lungsod.
Sa inisyal na imbestigasyon ni PO2 Joselito Barredo, ng Station Investigation Division, Caloocan City Police, dakong alas-8:50 ng umaga nang matagpuan ang biktima na nakabigti at wala nang buhay sa loob ng comfort room ng kanilang bahay gamit ang electric cord.
Sa nakalap na impormasyon ng pulisya sa mga kaanak ng biktima, nabatid na simula nang iwan at hiwa layan ang biktima ng kanyang live-in partner na hindi na nabanggit ang pangalan, lagi itong tulala, malungkot at wala sa kanyang sarili. (Lordeth Bonilla)