MANILA, Philippines - Ipinatatapon palabas ng bansa ni Immigration Commissioner Marcelino Libanan ang babaeng British national na umano’y sangkot sa pagpupuslit ng P500-milyon halaga ng mga diamonds at iba pang alahas sa bansa.
Ang kautusan ni Libanan ay bunsod sa pagtu-turned over ng Presidential Anti-Smuggling Group (PASG) sa BI kay Alpha Kwok, isang Chinese-born Hong Kong British national.
Matatandaan na naaresto ng pinagsanib na puwersa ng PASG at BI si Kwok sa kanyang condominium sa unit nito sa Ortigas Center, Pasig kung saan nakumpiska sa pag-iingat nito ang mataas na uri ng diamonds at mamahaling alahas.
Nilinaw naman ni BI Associate Commissioner Roy Almoro na habang hindi pa nade-deport si Kwok ay kakaharapin muna nito ang kasong kriminal dahil sa kasong smuggling. (Gemma Amargo-Garcia)