MANILA, Philippines - Laslas ang leeg at basag ang bungo nang matagpuan ang isang negosyante sa loob ng kanyang kotse kahapon ng umaga sa Valenzuela City.
Nakilala ang biktima na si Antonio Tan Jr., ng Ramirez St., Galas, Quezon City.
Samantala, blanko pa ang pulisya sa killer ni Tan at kung ano ang posibleng motibo sa pagpaslang dito.
Sa ulat, naganap ang insidente dakong alas-9 ng umaga nang mapansin ng ilang residente ang Toyota Vios, (XKS-838) na matagal nang nakaparada sa gilid ng MacArthur Highway, Brgy. Marulas ng lungsod na ito na naging dahilan upang lapitan at silipin nila ang loob.
Dito nila nakita ang biktima na nakabalot ng kumot at duguan sa backseat ng sasakyan na naging dahilan upang itawag ng mga re sidente sa pulis.
Lumalabas na laslas ang leeg ng biktima, basag ang bungo at nakatali ang bangkay ng biktima nang makuha ito sa loob ng sasakyan.
Masusing iniimbestigahan ng mga pulis ang nasabing insidente.