MANILA, Philippines - Magkakasabay na nagpairal ng 50 sentimos na rollback sa presyo ng kanilang produktong diesel at kerosene ang ilang independent players at small oil players matapos na magpatupad ang Big 3 sa kanilang mga produkto.
Ayon sa ulat, dakong alas-12:01 ng madaling-araw nang magpatupad ng 50 sentimos na rollback ang Pilipinas Shell, Petron at Chevron (dating Caltex). Sinundan naman ito ng Total at Unioil Petroleum Philippines Inc. ganap na alas-6 ng umaga. Bumaba din ng 50 sentimos kada litro ng diesel ang PTT Philippines.
Mula Enero ay umabot na sa P6 pesos ang rollback ng diesel habang P6.50 naman sa kerosene. Nagpahayag din ng rollback sa kanilang produktong kerosene ang kompanyang Seaoil. Inaasahan namang susunod din ang iba pang undependent at small player sa naging hakbangin ng ilang oil componies.
Wala namang naiulat na mayroon planong pagro-rollback sa presyo ng gasoline ang iba pang oil companies. Matatandaan na ilang beses nang nagpairal ng rollback sa presyo ng diesel at kerosene ang mga kumpanya ng langis subalit ang presyo ng gasoline ay nananatili sa kanyang dating presyo. (Ricky Tulipat at Rose Tamayo-Tesoro)