Patay ang isang dalaga matapos maatrasan ng isang van at mabagok ang ulo nito sa sementadong kalsada, kamakalawa ng gabi sa Caloocan City.
Dead-on-arrival sa Manila Central University hospital sanhi ng pagkabasag ng ulo si Jocelyn Elicana, 23, ng #702 Calle Castro St. ng nabanggit na lungsod.
Sumuko sa pulisya ang suspect na si Antonio Lagasga Jr., 29 ng Batimana Compound, Marulas, Valenzuela City, driver ng Mitsubishi Aluminum van na may plakang TPH-795 na naka-disgrasya sa biktima.
Dakong alas-11:40 ng gabi nang maganap ang insidente habang nagmamaniobra si Lagasca sa parking lot ng isang convenient store sa Calle Uno, MacArthur Highway, Caloocan City.
Nabatid na aksidenteng naatrasan ng suspect ang biktima dahilan upang mabagok ang ulo nito na naging sanhi naman ng agaran nitong pagkasawi. (Rose Tamayo-Tesoro)