Kasalukuyang nakapiit at nahaharap sa kasong arson si Michael Alvarez, ampon ni Sonny Abancio, ng 36 F. Alarcon St., Brgy. Maysan, ng nabanggit na lungsod.
Ayon kay Chief Inspector Agapito Nacario, hepe ng Valenzuela City Fire Station, dakong alas-6 ng gabi nang sunugin ng suspect ang bahay ng mga Abancio sa nabanggit na lugar.
Nabatid na nag-ugat ang panununog ng suspect makaraang sermunan ito ng biktima dahil sa pagiging ‘pasaway’ na sanhi upang tuluyan na itong palayasin ni Abancio.
Hindi matanggap ng suspect ang ginawang pagpapalayas ng umampon sa kanya kaya pinag-isipan nitong sunugin ang bahay ng biktima. Kagabi nga isinagawa ang plano. Mabilis namang naapula ang apoy habang naaresto naman ang papatakas na suspect. (Rose Tamayo-Tesoro)