Kasalukuyang ginagamot sa Amang Rodriguez Medical Center ang mga biktimang nakilalang sina Jerome Oguis, 13; at Emmanuel San Juan, 18, na kapwa nagtamo ng mga tama ng bala ng baril sa kanilang mga paa at binti.
Agad namang tumakas ang suspect na nakilalang si SPO3 Rey Mauricio, nakadestino sa Police Security and Protection Office (PSPO) ng Camp Crame at residente ng Ilaw St. ng nasabing lugar.
Ayon sa ulat, naganap ang insidente dakong alas-11 ng gabi habang nagkukuwentuhan ang isang grupo ng kabataan kabilang ang dalawang biktima, hindi kalayuan sa bahay ng suspect.
Nabatid na naingayan umano ang parak sa malakas na pagkukuwentuhan ng mga kabataan, kung kaya bigla itong lumabas ng bahay bitbit ang isang 9mm pistol at sinaway ang grupo ng mga biktima.
Hindi pa nakuntento ay ikinasa nito ang baril at saka ipinutok sa grupo ng kabataan. Minalas namang tamaan sina Oguis at San Juan. Matapos ang insidente ay mabilis na tumakas ang suspect na ngayon ay target ng operasyon ng kanyang mga kasamahan. (Edwin Balasa)