‘Wet flag out, pink cloth in’

Dahil sa hindi naging matagumpay ang kampanya ng "wet flag program", isang bagong gimik naman ngayon ang nakatakdang ipatupad ng Metropolitan Manila Development Authority (MMDA), kung saan haharangan ng kulay pink o rosas na tela ang exit point ng mga unloading at loading area ng mga bus upang hindi sila humimpil nang matagal dito para maghintay ng pasahero.

Ayon kay MMDA Gen. Manager Robert Nacianceno, dahil hindi tumutupad ang mga tsuper ng bus sa 30 segundong itinakda sa kanila para manguha ng pasahero sa mga unloading at loading area, partikular sa EDSA na nagiging sanhi ng pagsisikip ng daloy ng trapiko.

Haharangan na lamang ng pink na tela ang exit point nito upang mapilitan silang umalis at hindi na makakuha ng pasahero. (Lordeth Bonilla)