Ang ginang na kasalukuyan ngayong inoobserbahan sa Amang Rodriguez Medical Center ay kinilalang si Jenny Tenular, 30-anyos at residente ng Brgy. Mayamot, Antipolo City.
Agad namang sumuko sa pulisya ang driver na si Alex Quiamzon, 32, ng Paterno St., Brgy. Parang, Marikina City.
Batay sa ulat, naganap ang insidente dakong alas-9:30 ng umaga sa kahabaan ng Olandez St., Brgy. Sta Elena ng nasabing lungsod kung saan kagagaling lamang umano ng nasabing ginang sa nabanggit na pagamutan upang dalawin ang nabundol na mister subalit nang papatawid na umano ito sa kalsada ay bigla na lamang itong nahagip ng isang rumaragasang pampasaherong dyip. (Ulat ni Edwin Balasa)