Wala pang mapagkakakilanlan sa biktima kung saan ito ay tinatayang nasa gulang 30-34, may taas na 5’2 talampakan, nakasuot ng maong na pantalon, kulay gray na T-shirt at nakasandalyas.
Ayon sa inisyal na ulat ng pulisya, dakong alas-6:30 ng umaga kahapon nang matagpuan ang bangkay ng babae sa loob ng Maharlika Cemetery na nasa Maharlika Village, Taguig.
Magugunitang noon lamang nakaraang linggo, isang babae ang natagpuan ding patay na tadtad din ng tama ng bala ng baril sa katawan at naganap din sa nabanggit na barangay.
Bukod sa anggulong ‘salvage’ may teorya rin ang pulisya na posibleng ang gumagalang serial killer ang responsable sa mga naganap na krimen.
Base pa rin sa ulat ng Taguig Police, noong mga nakaraang buwan ilang babae rin ang pinatay ng hindi pa nakikilalang suspect o mga suspect kung saan naganap ito sa iisang lugar lamang.
Patuloy pa rin ang isinasagawang pagsisiyasat sa mga kaso. Inaalam din kung may mga koneksyon ang mga ito. (Ulat ni Lordeth Bonilla)