Nasawi noon din ang biktimang si Angelo Junio, 24, may-asawa, ng #171-C 22nd Ave., Brgy. East Rembo, ng lungsod na ito.
Samantala, kaagad na tumakas ang suspect na si Raymon Manabat, 24, binata, walang trabaho ng #116 Narra St., Brgy. Comembo, ng lungsod na ito.
Ayon sa imbestigasyon ni SPO4 Socrates Fernandez ng Homicide Section, Makati City police, naganap ang insidente dakong alas-12:15 ng madaling-araw sa kahabaan ng Chico St., Brgy. Comembo.
Nabatid na nagkatagpo ang biktima at suspect na may dati nang alitan sa hindi pa malamang kadahilanan.
Nilasing muna ng suspect ang biktima at pagkatapos ay muli nitong inungkat ang kanyang galit kay Junio at doon ay tinadtad ng saksak sa iba’t ibang bahagi ng katawan hanggang sa mamatay ito. (Ulat ni Lordeth Bonilla)