Delaying tactics sa anomalya sa GSIS kinondena

Kinondena ng mga militanteng grupo ang umano’y delaying tactics ng kasalukuyang pamahalaan para sa nakatakdang imbestigasyon hinggil sa ilang katiwaliang kinasasangkutan ng pamunuan ng Government Service Insurance System (GSIS).

Ayon kay Ferdie Gaite, Presidente ng Confederation for Unity Recognition and Advancement of Government(COURAGE), labis na silang naiinip sa isasagawang imbestigasyon laban sa ilan umano’y tiwaling pamamalakad ng pamunuan ng GSIS.

Binatikos ng grupo ang kasalukuyang gobyerno dahil sa umano’y delaying tactics nito sa imbestigasyon.

Umaasa pa rin ang grupo na sa darating na mga buwan ay sisimulan na ang imbestigasyon matapos na ipasa ang resolusyon ni Bayan Muna Sectoral Rep. at Kilusang Mayo Uno Chairman, Crispin Beltran sa Kongreso.

Binatikos din ng KMU ang umano’y pananatili ni GSIS President Winston Garcia at ilang matataas na opisyal ng nasabing ahensya. (Ulat ni Lordeth Bonilla)