Duwa ni Chiz
Dunay duha ka sukaranan si kanhi Senador Sonny Trillanes sa pagduda nga gi-sabotahe ni Presiding Officer Chiz Escudero ang impeachment trial aron pagpabor ni Bise Presidente Sara Duterte:
• Giuswag niyang testimoniya ni Executive Director Ronel Buenaventura sa Anti-Money Laundering Council niadtong Huwebes aron paghatag sa depensa og dugang panahon pagtuon sa mga dokumento nga nakuha nila pila ka semana nang nilabay; pero pila ra ka minuto ang iyang gihatag sa prosekusyon sa pagtuon sa mga dokumento nga gisumiter ni Davao City Mayor Baste Duterte sa samang adlaw sa iyang pag-testify.
* * *
Sa pikas nga bahin, duna say mga timaan nga si Escudero nitabang sa pagpadako sa kahigayonan nga makonbikto ang sinumbong:
• Nikuyog siya sa bag-ong mayoriya aron pagsalbar sa Senado gikan sa pagka-inutil tungod sa boykot sa karaang mayoriya;Gitugotan niya ang pag-supina sa bank accounts, AMLC records ug income tax returns ni VP Sara ug sa iyang bana; ugNibotar siya sa pagpahigayon sa botasyon sa senator judges niadtong Septiyembre 23 bisan kon ang tuyo sa motion for reconsideration mao ang iyang 16-vote ruling sa pagkonbikto ni VP Sara.
* * *
Mas daghang mga higayon nga napakita ang kamakiangayon ni Escudero. Iyang gibaraw ang kuwestiyonableng objections dili lang sa depensa kon dili hasta sa prosekusyon. Ug nakakita siya og mga paagi paghaw-as sa husay gikan sa daghang nitumaw nga kalibogan.
May sukaranan ang pasangil nga nasobrahan rang paghigpit sa lehitimong mga ebidensiya ug mga testimoniya. Gihulagway gani nga mas daghang technicalities ang iyang gipatigbabaw kay sa criminal proceedings sa korte.
* * *
Sakto si Trillanes nga bantayan si Escudero: Kay nakapusta ni VP Sara sa pagyaka sa articles of impeachment sa niaging tuig ug pag-apil sa kudeta niadtong Mayo nga nipalagpot ni Tito Sotto, nihimong Senate president ni Alan Peter Cayetano ug nidupa ni Bato dela Rosa gikan sa arrest warrant sa International Criminal Court.
Kabos nakong tan-aw: Naglaom si Escudero nga makalingkawas sa kasong plunder kon ma-presidente si Sara sa 2028; pero nahibawo nga himuon sa administrasyon ang tanan pagkonbikto ug ug pag-disqualify ni Sara; maong may mga paukyab pabor ni VP Sara aron pagsagang sa mga pasangil nga dili makiangayon ang impeachment trial.
* * *
- Latest
