Gitaktak sa trabaho nga way due process

Dear Atty. Divine,

Usa ko ka  empleyado sa company sud na sa lima ka tuig. Apan karong bag-o, nagkaguliyang ang among department tungod sa giingong mga discrepancy niini atul sa pag audit. Ang problema kay gipadad-an mi og termination letter nga wa man gani mi hatagi og higayon nga maka explain sa among side. Ang akong pangutana kun mamahimo ba ming mo-question sa legality sa among termination? Daghang salamat.

Lucelle

* * *

Dear Lucelle,

Yes, mamahimo ka nga mo-question sa legality sa pagtaktak nimo sa trabaho lakip na ang imong mga kauban. Tataw kaayo basi sa imong narration nga wa moagi og due process ang pag-terminate kanimo ug sa imong mga kauban. Basi sa balaod, sa dili pa i-terminate ang usa ka empliyado kinahanglan nga pahibaw- on una siya kun unsay kasaypanan nga iyang nahimo ug  hatagan siya og igong higayon sa pagtubag sa pasangil og sa pagdepensa  sa iyang kaugalingon. Human niini, kun aduna nay findings, pahibaw-on sab dapat ang employee sa resulta og sa ipahamtang nga silot. Sa imong kaso, klaro kaayo nga wa ka hatagi og due process busa mamahimo kini nimong kwestyonon pinaagi sa pagpasaka og reklamo batok sa imong employer ngadto sa NLRC . Thank you and God bless.

Atty. Divine

* * *

Alang sa inyong pangutana, palihug lang sa pag email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo. Thank you and God bless.