Call Center Agent - Gula 3

 Samtang padayon sila si Nelson ug Gemma nga mitan-aw sa Sinulog Grand parade, mikalit lang paghugyaw ang mga tawo. Kadtong mga nagpahimutang dapit sa luyo mihasmag.

Wala na makapiog pa ang mga crowd control personnel pagpugong kanila mao nga si Nelson nahasakyud ngadto sa likud nga bahin ni Gemma nga nagbarug sa iyang atubangan.

Nanglimbasog unta si Nelson nga mapugngan aron dili modaitol ang iyang atubangan nga bahin ngadto sa sampot ni Gemma kay nagtuskig na ra ba kaayo si Junior sukad pa kaganina.

Bisan giunsa ni Nelson sa pagpugong apan kusgan kaayo ang mga tawo nga mitukmod kanila gikan sa luyo. Nauwaw si Nelson kay sigurado nga nabatyag ni Gemma ang gahi nga butang nga midaitol sa iyang sampot.

Nagdanga-danga sa ilang nahimutangan ang usa ka float sa TV network nga gisakyan diay sa mga ilado kaayo nga artista sa tele-series. Mao diay nga milumpayat pag-ayo ang mga batan-on, ilabi na ang mga babaye.

Apil ‘sab si Gemma nga milukso-lukso ug misinggit sa kalipay nga nakakita sa mga artista sa telebisyon. Pwerte g’yud nila nga lipaya. Milurang ang ilang pagsinggit-singgit dihang nakalayo na ang float sa TV network gikan sa ilang nahimutangan.

Diha gihapon magbarug si Nelson sa luyo ni Gemma. Nahibulong si Nelson kay usahay mabatyagan g’yud niya nga mosandig na kaniya si Gemma. Mibarug na g’yud pag-ayo ang iyang pagkalalaki sa grabe’ng kahinam.

Mora’g nakabatyag si Nelson nga dili na normal ang pagpitik sa iyang kasing-kasing. Mora’g mipaspas ang iyang pagginhawa. Mikalit sa pagsinggit ang crowd control personnel sa atubangan nila ni Nelson ug Gemma nga pasibugon ang mga tawo kay moagi ang contingents sa Tribu-Himag-ulaw.

Kalit nga miatras si Gemma ug nabangga ang iyang sampot sa atubangan ni Nelson. Milingi si Gemma sa ulitawo ug mipahiyom. Daw gibati g’yud og kauwaw si Nelson kay sigurado siya nga nakabatyag g’yud si Gemma sa gahi nga butang sa iyang atubangan nga mibundol sa iyang sampot.

Milingi pag-usab si Gemma kang Nelson. “Ikaw ha, maldito kaayo ka,” matud ni Gemma nga mipahiyom kang Nelson ug dayong duko ug mitan-aw sa ubos nga bahin ni Nelson.

Nasabtan dayon ni Nelson kun unsay buot ipasabot ni Gemma. Hilaw kaayo ang pahiyom ni Nelson tungod sa kauwaw. “Bitaw Son, wala’y problema, ingon ana g’yud na ang mga lalaki, mga bohemyo,” ni Gemma pa.

Gikalipay ni Nelson nga wala gilain pagsabot ni Gemma ang kanunay nga pagkabondol sa iyang atubangan ngadto sa sampot niini samtang nagbarug sila daplin sa Sinulog parade route. - Sumpayan