Duhay uyab

Dear Tita Salie,

Have a pleasant day to all readers of Banat News, esp. sa mga tigbasahan og pasabta ko.

Tawga lang ko sa name nga El-el, 16 years of age. Dalaga pa ko, Tita Salie, ug naglibog ko sa akong gugma karon.

Duna man god koy duha kabuok uyab nga sila Marju ug Viejum. Ang usa anaa sa Mandaue City magtrabaho, ug ang usa dia ra diri sa among lugar, nagtrabaho siya sa tindahan sa among mayor samtang ako nagtrabaho usab sa tindahan sa among vice mayor. Ug human sa among trabaho magkita ra mi sa gawas sa akong usa ka uyab.

Pero naka-realize ko, Tita Salie, nga dili maayo kun daghan og uyab, busa, gusto nako nga bulagan ang usa. Pero pareho man nako silang mahal. Kinsa man ang akong pilion, Tita Salie? Palihog pasabta ko. Salamat sa pagtagad.

* * *

Hello, El-el,

Sa dili ka pa mamili kanilang duha tan-awa usa ang tagsa-tagsa nila kun anaa ba ang hiyas sa lalaki nga imong gipangita. Tan-awa pag-ayo kun silang duha kasaligan ba ug responsable.  Tungod kay sa imong tan-aw wala sila makaabot sa imong standard, dili pa sila ang mga lalaki nga imong minyoan. Huwata lang kay duna pay daghang maayo ug nindot nga moabot sa imong kinabuhi.

Apan kun ugaling anaa na kanila ang tanan ug gikinahanglan na gyod kang mamili pilia gyod ang tawo nga magkasinabot mo, dunay respeto kanimo, andam mosuporta kanimo ug responsable and of course kun kinsa ang imong tinuoray nga gihigugma ug andam nimong unongan bisan unsa pa man ang mahitabo sa inyong kinabuhi. -- Tita Salie