Dear Tita Salie,
Good day. Just call me Ms. Gemini, 20 years of age, and I am still single. I have a boyfriend ug 3 years na ang among relationship. He is now 33 years old. I love him so much, Tita, ug love pod kaayo ko niya.
Makaingon ko nga love kaayo ko niya tungod kay kun mangaway ko niya, dili man ko niya patolan. Understanding kaayo siya kanako ug dili siya gusto nga mag-away mi kay matud niya dili niya kaya nga magkabulag mi. Ug ako usab dili pod ka-dare nga bulagan siya. Bisan unsa kalagot nako niya apan mopatigbabaw gihapon ang akong gugma kaniya. Daghan na kaayong mga trials nga among na-encounter, Tita, but salamat sa Dios that we still survived.
But my problem is that this man that I’m deeply in love is married already. Sakit kaayo hunahunaon ang iyang sitwasyon tungod kay dili na man gyod siya maako. Dili na puyde nga ako lamang ang manag-iya kaniya.
Sa among sitwasyon ako ang makalulooy, Tita. Apan kun maghunahuna ko nga bulagan siya mora man ko og mabuang coz I’m truly, madly in love with him gyod. Unya mora og dili na man ko ganahan sa ubang mga lalaki siya ra gyod ang akong gusto. Naglibog na gyud ko, Tita Salie, I really don’t know what should I do. Please help me. Thank you very much and more power.
-- Ms. Gemini
* * *
Ms. Gemini,
If you’re in love don’t get mad. Kun ma-inlove ka paningkamoti nga active gihapon ang imong panghunahuna aron imong makita ang kamatuoran sa imong gugma. Kinahanglan nga ang imo lang gihapong panghunahuna ang magmando kanimo aron makalikay ka sa complicated nga kinabuhi sama sa imong sitwasyon karon.
Tan-awa pag-ayo ang imong nahimutangan ug ang imong kinabuhi karon nga ang imong kasingkasing ang imong gipasagdan nga maoy maghari klaro na kaayo nga naglisod ka. Tinuod malipayon ka kay anaa ang imong hinigugma. Pero tinuod ba gyod nga happy ka kun imong hunahunaon nga minyo siya? Kun imong hunahunaon nga walay kagawasan ang inyong gugma ug kanunay lang mo nga motago kun gusto ninyo nga magkita?
Ms. Gemini, mas nindot puy-an ang kinabuhi kun wala kay gilikayan kun wala kay angay itago. Ug mas nindot mahigugma kun ang inyong gugma gawasnon kay bisan kanus-a puyde ninyong ikapasegarbo ang inyong gugma. Dilikado pa kana kun masayod ang asawa sa imong uyab, kay tingali unya kun pakauwawan ka niya kay nangilog ka og bana.
Busa, gamita ang imong panghunahuna aron madisiplina ang imong kasingkasing, aron dili kini nagpakabuta sa kamatuoran.
-- Tita Salie