Gula 77
Wala dayon motubag si Cody sa iyang pangutana. Nakita ni Colleen nga miligdong ang nawong niini.
“I-I’m sorry, Colleen,” ni Cody pa. “Nasayod ko nga dili kini ang tukmang dapit alang niining akong tuyo nimo. Pero human sa nahitabo sa relasyon namo ni Alexa, dili pa ko ready nga mopakita’g balik sa inyong pinuy-anan. Maong nakahukom kong anhi ko na lang ikaw sultihan sa gusto kong ipadayag kanimo.”
“Unsa man lagi kana?” Nagpanikad ang kahiladman ni Colleen nga masayod.
“I-I love you, Colleen...”
“C-Cody...?”
“Pasayloa ko, Colleen. Pero mao kanay tinuod nga nahitabo sa akong kasingkasing karon. I’m already in love with you.”
Mora’g dili makatuo si Colleen sa iyang nadungog. Is he for real? Dili kaha nga usa lang ka halusinasyon ang miigo kaniya?
“C-Cody,” mikurog ang tingog ni Colleen, “nasayod ka nga may relasyon na kami si Brendan.”
“I know,” ni Cody pa. “Ug wa sab ko’y plano nga magsamok sa inyong relasyon. Igo na alang kanako nga nasayod ka nga nahigugma ko nimo. At least, gipahungaw nako ang akong gibati.”
Nakahinuktok si Colleen sa gisulti ni Cody.
Wala mahikatulog si Colleen nianang pagkagabii. Lawom nang gabii apan nagpabilin pa siyang nagmata. Naghigda siyang naghayang sa iyang kama apan nagpitaw-pitaw ang iyang mga mata. -- Sumpayan pa