Gula 1
Lapas na ala-una sa hapon apan wala pa makapaniudto si Danny tungod kay duna siya’y gitrabaho nga dinalian.
“Makabuang baya nang magpapasmo-pasmo ka bay,” tambag sa kauban sa trabaho ni Danny. Tuod man, mitindog siya ug mipaingon sa duol ra nga kan-anan nga naila sa lamian niining baligya nga ngoyong.
Daghang mga nangaon sa maong kan-anan, sagol-sagol lang. Tan-aw ni Danny dunay mga nagtrabaho sa opisina, dunay mga nagtrabaho sa department store ug may mga tinun-an.
Human si Danny maka-order og upat ka puso, duha ka ngoyong ug duha ka longanisa dayon gipakapinan og usa ka botelyang soft drink, milingkod siya niadtong bakante nga lamesa.
Nag-atubang siya sa karsada ug nagkalingaw og tuslob-tuslob sa may pagka hang-hang nga sauce.
Takulahaw lang may milingkod sa unahang lamesa dapit sa karsada, upat ka babaye ug naklaro niya nga tindera sa department store diha sa dalan Colon tungod sa ilang uniporme.
May pagka pinsel kon mubo ang sayal sa maong mga tindera. Paglingkod sa mga tindera, nabantang g’yud sa mga mata ni Danny ang atubangan nga bahin sa paa sa dalaga.
Mihunong siya’g paak sa ngoyong kay didto nabuhos ang iyang pagtagad sa iyang nakita. Sa tanto nga pagbila-bila sa dalaga, milahos g’yud ang panan-aw ni Danny sa panti sa babaye.
Misaka ang iyang tinan-awan sa dagway sa maong babaye. “Wow, gwapa sab da,” ni Danny pa sa iyang huna-huna. Nakahigayon si Danny pagsud-ong sa daw vitamin sa iyang mga mata kay ang maong tindera didto ra napunting ang tinan-awan sa iyang mga kauban nga kaatubang niya pagkaon.
Daw naglain ang pamatyag ni Danny sa iyang panglawas. Wala na siya ganahing mikaon kay paminaw niya hinay-hinay nga nausab ang porma sa iyang pundeyohan.
Puti kaayo ang paa sa maong babaye. Gitan-aw niya ang gisul-ob nga ID niini apan dili kaayo niya mabasa ang nasulat nga ngalan.
Mituslo na usab si Danny sa hang-hang nga sauce ug giingkib ang longanisa apan ang iyang panan-aw didto gihapon magpasiklap sa paa sa babaye sa atbang nga lamesa.
Mihiyak ang tiyan ni Danny kay mibila-bila na usab ang dalaga sa duha niya ka paa samtang nagkaon. Nakita na usab niya ang panti sa maong babaye ug misamot nga naglain na g’yud ang iyang pamatyag.
Nadunggan niya nga nagtulod-tulod ang upat ka babaye kinsa kanila ang mobangka og soft drinks. Nahatutok kaniya ang babaye. Gipahiyoman usab ni Danny.
“Pwede mga Miss, ako’y bangka ninyo og softdrinks timaan sa atong panaghigala,” tanyag ni Danny, dayong tindog paingon sa counter. (Sumpayan pa)