“Gibuhat ko kini aron di sila magduda nga naghimo ko’g milagro. Aron magkakita pa ta pag-usab sa sunod higayon.”
“Good idea.”
Nalipay ko nga nakasabot si Roger sa akong tumong.
Unya, ingon sa wala lang namo mamatikdi ang paspas nga pagtuyok sa orasan. Dihang gisuling ni Roger ang iyang relo, iyang nasuta nga alas kuwatro na diay sa hapon. Nakigpanggawas siya nako sa hotel nga among giistaran. Gusto siyang mosuroy sa dakbayan sa Tagbilaran.
Nanuroy mi sa Island City Mall. Dihang gibati na mi’g kagutom, misulod mi sa usa ka outlet sa KFC ug nanihapon. Human sa panihapon, nagkasabot ming mamalik na ngadto sa hotel nga among giistaran.
Pag-abot namo sa hotel, nakamatikod kong naglain ang hunahuna ni Roger. Sa akong pagsabot, mora’g gusto na sab siyang modimdim sa akong katam-is. May sexual connotation ang iyang lihok ug sinultihan.
Gigakos ug gihagkan ko ni Roger. “Makabuang ka, Belen,” niya pa.
“Motuo ko nimo,” nako pa. “Naka-score gud ka’g kaupat kaganina.
“Di ko matagbaw nimo kun kausa ra. O bisan kaduha pa. -- Sumpayan pa